भिडियो हेर्नको माथि को बक्स मा डबल क्लिक गर्नु होस्
२३ चैत, लाहान । एम्बुलेन्स चालकमाथि भएको कुटपिटको विरोधमा सगरमाथा अञ्चल एम्बुलेन्स चालक एसोसिएसनले दोषीमाथि कारबाहीको माग गर्दै आज सम्पूर्ण एम्बुलेन्स सेवा बन्द गरेको छ ।
एसोसिएसनको आहृवानमा अहिले वडा प्रहरी कार्यालय लहानको मूलद्वारमा करिब दुई दर्जन एम्बुलेन्स जम्मा गरेर राखिएको छ ।
एसोसिएसनका अध्यक्ष श्रवण मण्डलले चालकलाई कुटपिट गर्नेमाथि कारबाही नभएसम्म एम्बुलेन्स बन्द गरेर प्रहरी कार्यालय अगाडि राखिने बताउनुभयो ।
नेपाल रेडक्रस सोसाइटी सुखीपुर उपशाखाको स१च ६५६ नं को एम्बुलेन्स चालक रामदयाल चौधरीलाई गएराति लहानस्थित सप्तऋषि अस्पतालमा लहान- ६ का देवनाथ साहले कुटपिट गरेका बताइएको छ । कुटपिटबाट चौधरीको देब्रे हातमा चोट लागेको छ ।
राति करिब ११: ३० बजेतिर सिरहा तुलसीपुर- १ की निलम साहलाई प्रसूति गराउन अस्पताल लिएर जाँदा आफूलाई अस्पताल पुगे लगत्तै साहले कुटपिट गरेको चालक चौधरीले बताउनुभयो ।
चालक कुटिएपछि एम्बुलेन्स चालकले आज बिहान ६ बजेदेखि लहानको अस्पताल चोकमा दोषीमाथि कारबाही र क्षतिपूर्तिको माग गर्दै करिब एक घण्टा पूर्व पश्चिम राजमार्ग अवरुद्ध गरेका थिए ।
त्यसपछि घटनास्थल पुगेको प्रहरीले चालकलाइ कुट्ने साहलाई धरानमा पक्राउ गरिएको र बिहान १० बजेभित्र लहानमा हाजिर गराउने आश्वासन दिएपछि उनीहरु प्रहरी कार्यालय अगाडि एम्बुलेन्स बन्द गरेर बसेका हुन् ।
एम्बेलुन्स सेवा बन्द हुँदा बिरामीहरु मर्कामा परेका छन् । सप्तऋषि अस्पताल लहानका प्रमुख डा पशुपति चौधरीले एम्बुलेन्स सेवा बन्द हुँदा अस्पताल आउने जाने बिरामीलाई समस्या भएको बताउनुभयो । रासस
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.