घटेन निशाको झगडिया बानी

भिडियो हेर्नको माथि को बक्स मा डबल क्लिक गर्नु होस्

नायिका निशा अधिकारी पछिल्लो समय नेपाली सिनेमा क्षेत्रकी मार्क गरिएकी नायिका हुन् । उनका थुप्रै सिनेमाहरु प्रदर्शनमा आइसकेका छन् । ब्यूटि पेजेन्टमा भाग लिएपछि टेलिभिजन सो र म्यूजिक भिडियो हुँदै सिने क्षेत्रतर्फ पाइला राखेकी निशा अधिकारी घमण्डी नायिका मानिन्छिन् । उनलाई आरोप लाग्ने गरेको छ– उनी अरुलाई मान्छे नै गन्दिनन् । त्यसैले उनीसँग ठाकठुक नपरेका निर्माता निर्देशक पाउनै गाह्रो छ ।

 

एक समय आफ्नो फोटो खिचेको विषयलाई लिएर सञ्चारकर्मीसँग ठाकठुक गरे पश्चात बदनाम बनेकी निशा आजभोली भने निर्माता निर्देशकसँग झगडा गर्ने नायिकाको रुपमा परिचित छिन् । अहिलेसम्म काम गरेका अधिकांश निर्माता निर्देशकसँग उनको बोलचाल बन्द भएको छ । प्रदर्शन भइसकेका सिनेमाहरु ‘मायाज बार’ का निर्देशक दिनेश डिसी र ‘धुँवा यो नशा’ का निर्माता राम प्रसाद रिजाल एवम् निर्देशक लक्ष्मण रिजालसँग निशाको अहिले पानी बाराबारको स्थिति छ ।

साथमा निशा नै लिड क्यारेक्टरमा प्रस्तुत भएको सिनेमा ‘पद्मिनी’ टिमसँग समेत उनको बोलचाल बन्द भइसकेको हल्ला सार्वजनिक भएको छ । त्यस्तै एक अनटाइटल सिनेमाको सिटिङमा समेत उनले सिनेमाका लेखक तथा निर्देशकसँग आफ्नो रवाफ देखाइसकेकी छिन् रे । अर्कोतर्फ निशालाई निर्माताको पैसा डुबाएर बितरक पोस्ने नायिका भनेर पनि केही निर्माताहरुले आरोप लगाउने गरेको पाइएको छ । पछिल्लो समय उनी अभिनित सिनेमाहरुले खासै व्यापार गर्न नकस्नुले पनि निर्माताहरुको यो आरोपलाई केही हदसम्म सही मान्न सकिएला । 

केही समय अमेरिकामा फिल्म मेकिङको अध्ययन गरेर फर्किए पछि निशाको फुर्ति निकै बढेको आरोप सिने क्षेत्रमा लाग्ने गरेको छ । सिनेमामा निर्देशक र निर्मातालाई यसो गर्, उसो गर् भनी जान्ने पल्टिएर सिकाउने उनको बानीका कारण पनि निशासँग काम गरेका निर्माता निर्देशक रुष्ट बनेका हुन सक्छन् । सम्भावनायुक्त नायिका हुँदाहुँदै पनि निशाले झगडालु बानीमा परिवर्तन नल्याए एकदिन उनी सिने क्षेत्रबाट बाहिरिनु पर्ने अवस्था आउन सक्ने अड्कल समेत सिने क्षेत्रमा काट्न थालिसकिएको छ ।