मेस्सी बने ला लिगाको तेस्रो सर्वाधिक गोलकर्ता

भिडियो हेर्नको माथि को बक्स मा डबल क्लिक गर्नु होस्

४ फागुन, काठमाडौं । बार्सिलोनाका स्टार फवार्ड लिओनल मेस्सी स्पेनिस ला लिगाको तेस्रो सर्वाधिक गोलकर्ता बनेका छन् । शनिबार राति भएको खेलमा रायो भालेकानोविरुद्ध बार्सिलोनालाई ६–० को जित दिलाउने क्रममा मेस्सीले दुई गोल गरेका थिए । यससँगै ला लिगामा मेस्सीको गोल संख्या २ सय २८ पुगेको छ, उनले कुल २ सय ६३ खेल खेलेका छन् । मेस्सीले गरेको गोल रियल मड्रिडका पूर्व स्टार राहुलको कीर्तिमानसँग बराबरी समेत हो । राहुलले ला लिगाको ५ सय ५० खेलमा २ सय २८ गोल गरेका थिए । २६ वर्षीय अर्जेन्टिनी स्टार मेस्सी अब ला लिगाको सर्वाधिक गोलकर्ता बन्न मात्र २४ गोलले पछि छन् । उनले २३ क्लब र अन्तराष्ट्रिय उपाधि जितिसकेका छन् भने लगातार चार पटक फिफा बालोन डि’ओर पाउन एक्ला खेलाडी समेत हुन् । ला लिगाको सर्वाधिक गोलकर्ता टेल्मा जारा हुन्, उनले २ सय ७७ खेलमा २ सय ५१ गोल गरेका छन् । दोस्रो सर्वाधिक गोलकर्ता ह्युगो सान्चेजले २ सय ३४ गोल गरेका छन् । रियल मड्रिडका स्टार क्रिष्टियानो रोनाल्डोले भने ला लिगामा १ सय ५५ गोल गरेका छन् ।
स्रोत : अनलाईनखबर