छिट्टै आत्मसर्मपण गर्ने संजयको तयारी

भिडियो हेर्नको माथि को बक्स मा डबल क्लिक गर्नु होस्

भारतको सर्वोच्च अदालतले ५ बर्षको जेल सजाय सुनाएपछि नायक संजय दत्त निक्कै भावुक बनेका छन् । सर्वोच्चको आदेश पश्चात पहिलो पटक मिडिया सामु देखिएका संजयले छिट्टै नै आत्मसर्मपण गर्ने बताएका छन् ।संजयले भावुक हुदै भने, ‘म देश र सर्वोच्च अदालतको सम्मान गर्दछु, यसैले चाडै नै आत्मसर्मपण गर्ने तयारीमा छु ।’

उनले आफूसँग समय कम र काम धेरै भएको भन्दै सबै काम सक्ने उद्घोष पनि गरेका छन् । संजयले आफूले माफी नमाग्ने बताउदै भने, ‘म देशको सम्मान गर्दछु तर माफी माग्दिन, जसले मेरो लागि माफी मागिरहेका छन् उनीहरु सबैलाई धन्यबाद दिन चाहन्छु ।’

संजयले आफूसँग समय कम भएको भन्दै शान्तीसँग बाच्न दिन संचारमाध्यमलाई पनि आग्रह गरे । सन् १९९३ मा मुम्बइमा भएको बम काण्डमा सहयोग गरेको तथा ‘एके ४७’ जस्तो हतियार घरमा लुकाएर राखेको आरोपमा उनलाई सर्बोच्च अदालतले ५ बर्षको जेल सजाय सुनाएको छ । संजयले साढे ३ बर्ष जेल जीवन बिताउनु पर्नेछ ।