अपडेट : मादी नदीमा बस खस्यो, १२ को मृत्यु, १० को उद्दार

भिडियो हेर्नको माथि को बक्स मा डबल क्लिक गर्नु होस्

२२ असार, काठमाडौं । पृथ्वी राजमार्ग अन्तरगत तनहुँ दमौलीबाट मादी नदीमा बस खस्दा १२ जनाको मृत्यु भएको छ । १० जनाको जिवितै उद्दार गरिएको छ । मृतकको सनाखत हुन बाँकी रहेको प्रहरी उपरीक्षक देवबहादुर बोहोराले जानकारी दिनुभयो ।

पोखराबाट मुग्लिनतर्फ आउँदै गरेको ना ४ ख ४६८४ नम्बरको बस शनिबार अपराहृन मादी पुलबाट नदीमा खसेको हो । बसको अधिकांश भाग पानीमा डुबेको छ । अहिले बसलाई क्रेनले नदीबाट निकाल्ने प्रयास भइरहेको छ ।

पुलमा लगाइएको बार भत्काएर बस विपरित दिशातर्फबाट नदीमा खसेको छ । प्रत्यक्षदर्शीका अनुसार पुलमा हिडिरहेका बच्चाहरुलाई बचाउने क्रममा अनियन्त्रित भएको बस पुलबाट नदीमा खसेको थियो ।

बसमा रहेकाहरुको खोजी तथा उद्दार जारी छ । उद्दारका लागि नेपाली सेना, प्रहरी, सशस्त्र प्रहरी र स्थानीयबासी जुटेका छन् । बसमा २५ जना रहेको आशंका गरिएको छ ।

नदीमा खस्ने क्रममा बसले भत्काएको पुलको बार ।

उद्दारका क्रममा पुलमा पुगेका स्थानीय र सुरक्षाकर्मीहरु ।

तस्वीर सौजन्यः डम्बर अधिकारी