फोरम नेपालको महोत्तरी कार्यालयमा गोली प्रहार जिल्ला सदस्य प्रकाश साह घाईते

भिडियो हेर्नको माथि को बक्स मा डबल क्लिक गर्नु होस्

महोत्तरी , श्रावण १० - मधेसी जनअधिकार फोरम नेपालको महोत्तरीस्थित कार्यालयमा गोली प्रहार गर्दा एक जना घाइते भएका छन् । भारतीय मोटर साइकलमा आएका दुई जना मध्ये एक जनाले गोली प्रहार गरेका थिए । जलेश्वरको खएराचोकस्थित कार्यालयमा ति ब्यक्तिहरुले गोली प्रहार गरेका हुन् । जिल्ला प्रहरी कार्यालयका निरीक्षक शम्भु बडालका अनुसार गोली प्रहार गर्नेहरु बीआर ८२६३ नम्बरको टीभीस भिक्टर मोटरसाइकलमा आएर कार्यालय रहेको मानिसलाई लक्षित गोली हानेका हुन् । फोरम नेपालका जिल्ला कार्यासमिति सदस्य प्रकाश साहको बायाँ पाखुरामा गोली लागेको छ । उनको उपचार जनकपुर अञ्चल अस्पतालमा भइरहेको छ । प्रहरीका अनुसार गोली प्रहार गर्नेहरु गोली हानीर भारतीय सीमातर्फ भागे छन् । जनतान्त्रिक तराई मुक्ति मोर्चाका राजनमुक्तिले भने आफुहरुले अन्धधुन्धा गोली प्रहार गरेको दावी गरेका छन् । यसअघि उक्त मोर्चाले असार २० गते मधेस केन्द्रित दलका केन्द्रिय तथा स्थानीय नेताहरुलाई भौतिक कारवाही गर्ने चेतावनी दिएको थियो ।