विमानबारे अझै अन्योल

भिडियो हेर्नको माथि को बक्स मा डबल क्लिक गर्नु होस्

क्वालालम्पुर (बीबीसी), चैत्र १ - मलेसियाली एयरलायन्सको एमएच-३७० विमानले बेपत्ता भएको पाँच घन्टासम्म स्याटलाइटलाई संकेत (सिंग्नल) पठाएको अमेरिकी अधिकारीहरुले बताएका छन् । यसले सम्पर्कविच्छेद भएपछि पनि उक्त विमानले सयौं माइलको यात्रा गरेको पुष्टि भएको छ । सम्पर्क बनाउनलाई विमानले लगातार स्याटलाइटमा सन्देश पठाएको एक अमेरिकी अधिकारीले बताएका छन् । ६ दिनदेखि बेपत्ता विमानलाई खोज्न दर्जनौं मुलुकको खोज समूह जुटेका छन् । उक्त आधुनिक संयन्त्र सम्पन्न ७७७ बोइङले भीड भएको गड्बडीबारे केन्द्रमा खबर गर्न सक्छ । उक्त विमान हिन्द महासागरमा खसेको संकेत मिलेको अमेरिकी अधिकारीहरुले बताएका छन् । अमेरिकी खोज दल उक्त क्षेत्रमा पुगिसकेको छ । भारतीय नौसेनाले पनि 'अप्रेसन सर्चलाइट' सुरु गरेको छ । विमान राडारबाट विच्छेद भएपछि अन्डमान निकोबार द्वीप समूहतर्फ मोडिएको विश्वास गरिएको छ । झन्डै ९० हजार वर्ग किलोमिटर समुन्द्री क्षेत्रमा विमानको खोजी भइरहेको छ । मलेसियाली एयरलायन्सले बेपत्ता यात्रुको सम्मानमा उडान संख्या एमएच-३७० र ३७१ लाई प्रयोगमा नल्याउने निर्णय गरेको छ ।श्रोत:कान्तिपुर