मनकामना केवलकारको भाडा बढ्यो

भिडियो हेर्नको माथि को बक्स मा डबल क्लिक गर्नु होस्

२ साउन, गोरखा । मनकामना केवलकारले टिकट मूल्य १ सय ५० रुपैयाँले बढाएको छ । यसअघि ४ सय २५ टिकट मूल्य रहेकोमा साउन १ गतेदेखि लागू हुनेगरी ५ सय ७५ रुपैयाँ पुर्‍याइएको हो ।

हालसम्म नेपाली र भारतीयका लागि ४ सय २५ रुपैयाँ टिकट दर रहेको थियो भने तेस्रो मुलुकका लागि १५ डलर पर्दथ्यो । अहिले तेस्रो मुलुकका पर्यटकका लागि २० डलर तोकिएको छ । सवै क्षेत्रमा महंगी बढेकाले टिकटको भाउ बढाउनुपरेको कम्पनीका सहायक स्टेशन म्यानेजर उज्जल शेरचनले जानकारी बताए ।

एक बर्षमा साढे ९ लाख यात्रु

गत आर्थिक बर्षमा मनकामना केवलकारमा करिव साढे ९ लाख यात्रुले यात्रा गरेको केवलकार ब्यबस्थापनले जनाएको छ । जसमध्ये ८ लाख ६३ हजार ८ सय ९३ नेपाली, ९९ हजार ७ सय ४० भारतीय र ५ हजार ३ सय ५३ जना तेस्रो मुलुकका यात्रु रहेका छन् ।

२०५५ सालबाट संचालन भएको केवलकारमा हालसम्म करिव ८९ लाखले यात्रा गरिसकेका छन् ।