आईफोन ५ बोल्दाबोल्दै पड्कियो

भिडियो हेर्नको माथि को बक्स मा डबल क्लिक गर्नु होस्

कुरा गर्दैगर्दा फोन पड्केको समाचार के तपाइले सुन्नुभएको छ ? तर आइफोन ५ नामक मोबाइल थाइल्याण्डमा यसरी नै पड्केको छ । २ महिना अगाडिमात्र किनेको मोबाइल फोनमा कुरा गरिरहँदा मोबाइल फोन पड्केको हो । थाइल्याण्डको राजधानी बैककमा बस्दै आएका सुविचा अवेसोम्साक्साकुलले २ महिनाअघि किनेको एप्पलको आइफोन ५ बाट कुरा गरिरहेको अवस्थामा उक्त फोन निकै तातो भएको र धुँवा समेत निस्केको थियो । फोन तातो भएको र धुँवाको गन्ध आएपछी उनले उक्त आइफोन भुईमा फ्याकेका थिए । भुईमा फ्याकेको उक्त फोन पट्का पड्केझै गरी ४ पटकसम्म पड्केको थियो । सुविचाले फोनमा मात्र ३० सेकेण्ड कुरा गरेका थिए । यद्यपी फोन पड्केको घटना पहिलो पटक भने होइन । सन् २०११ मा एक अष्ट्रेलियको मोबाइल पनि विमानमा यात्रा गरिरहेका बेला पड्केको थियो । त्यस्तै, ब्राजिलमा पनि फोन चार्ज गर्दा गर्दा पड्केको थियो । यस्तै, फिनल्याण्डमा खल्तिमा राखिरहेको फोन पड्केको थियो ।